EPL Title lak an tumna kawngah Arsenal tan beisei a bo zo ta!

Nimin Pathianni zan khan English Premier League match 1 khelh niin, Arsenal chuan tun season-a EPL Title lak tuma theihtawp an chhuah ve laiin, an title lak tumna lak atan beiseina nei tawh lo turin an mahni lo mikhualtu Bolton lakah 2 - 1 in an tlawm.

Mikhual lam Arsenal hian chak an mamawh tih hriain an nawr na viau nain goal erawh an thun thei lo a ni ber. Mual neitu lam Bolton counter attack a hlauhawm thei hle a. Sturridge chuan minute 38 naah Bolton tan hian a head goal-a. Hei bak hi hun chanve chhungin goal dang a lut ta lo a ni.

2nd half inkhel an tan chiah, minute 1 em pawh a ral hman lo tihah Bolton lam hian Penalty an hlawhchhuak zui a, mah se goal-ah an chantir zo lo. Bolton lam a vanduai zawkah an tang leh lawi si dawn a ni maw tih ngaihtuahna a awm mek laiin, Arsenal tan hian Van Persie chuan minute 48 naah an si phurh hi a rawn sut zui a. Hun tawp dawn thlengin goal dang an thun thei lo ve vein chak zawk awm lova an in thathen mai a rinawm tawh hnu, last minute tak takah Bolton tan hian Cohen chuan an chakna goal rawn thunin Arsenal beiseina zawng zawng a hnawh bo sak ta a ni.

EPL Title la thei dawna an inhriat loh hnuah Arsenal boss Arsene Wenger-a’n EPL-a pahnihna nih hi chhiatna a ni love tia a lo sawi tawhte pawh chu a takin pahnihna dinhmun an luah zo kher a ngem tih ngaihtuah tham tak a ni mek bawk a, EPL Table-a pahnihna dinhmun tunhnai lawka chhuhsaktu Chelsea lakah point 3 laiin an hniam ta zawk a, EPL match la khelh tur an neih match 4 chhung hian Chelsea pawh hi an lehthal leh thei angem  tih ngaihtuah tham tak a tling ta a ni.

Tun season-a EPL title inchuh pha chin Club 3, Manchester United, Chelsea leh Arsenal te hian EPL match 4 theuh khelh tur an la nei a, hetih lai hian Arsenal chu Pathianni zana Bolton laka hnehna an chan zawh tak loh avang hian EPL Title lak an tumna kawngah beisei tur an nei tawh loah a dah theih a, Chelsea hian match 4 khelh tur an la neih chhung hian an aia point 6 laia sang zawk Manchester United hi an leh thlal thei angem tih ngaihtuah tham a tling a, hetih laiin Chelsea boss Carlo Ancelotti chuan EPL-a Come back ropyui ber thlen tir a la tum fan thu a sawi ve mek bawk.