Chuck Bartowski hi tunge a nih??

    Thalai hovin tunlaia an lawm em em, TV hmaa an thut tam phahna CHUCK TV serial-a a changtupa ber Chuck Bartowski hi a hming dik tak chu Zachary Levi Pugh a ni a, 29 Sept, 1980 a, Lake Charles, Louisiana, USA a piang a ni a; TV Actor a nih mai bakah director a ni a, singer a ni bawk.
    Lemchan thiam tak a ni lo thei lova, kum 6 mi lek a nih lai atangin Theatre lamah lemchangin a lo in lan zak zak tawh. Chuck film-ah hian Yvonne Strahovski nen chang dunin Teen Choice Awards 2010 - ah Chuck film an chan that dun em avangin Best action Actor  leh Actress a thlan dun an ni. Kum 2008 khan Zachary Levy hi Entertainment Weekly's Top Thirty People Under Thirty a thlanchhuah zingah a tel.

    A mah hi Evangelical Christian a ni a, a tet te atanga Christian a ni a, Relevant magazine in an kawmnaah chuan, amaha nun zalen tak a neihna chhan te, lungawi taka a awm thinna te, talent tha tak a neihna chhan te an zawhnaah chuan Isua Krista vang a ni, a ti.  Levi hian kum 2010 Sept atang khan a ma pualin company a nei tan a, chu chu The Nerd Machine a ni.
    Infiamna lamah pawh a duai lo viau a, kumina Celebrity All Star Game an thlan-ah Basketball thiam hmingthang Maigc Johnson a coach na hnuaia team-ah a tel nghe nghe.Zai lam pawh ti thei tak a ni a, nikum khan Katherine McPhee single 'Terrified' ah chuan an duet dun a, Mandy Moore nen pawh 'I See the Light' hla an sa dun leh a, he hla hi 83rd Academy Award sem inkhawmah mipui hmaah an sa dun a ni.