Lunglei - Aizawl via Thenzawl road, Pukpui - Haulawng inkar kawng hawn nise tha an ti tlang

Vawiin khan Sub Divisional Magistrate Lunglei Office Chamber-ah Lunglei - Aizawl via Thenzawl road Pukpui leh Haulang inkar lirthei kal 144 Cr.PC dan hmanga khap chungchang chu AVOJAC, Sub Hqrs. YMA hruaitute leh Magistrate ho hian sawi ho a ni a, he kawng kal khap hi mipui zin veivakte tan phurrit thlentu niah an ngai a, chuvang chuan he kawnga kal khapna dan hi hlih tha in an hria a, mipui harsatnate hrethiamin AVOJAC chuan kawng hawn a nih avanga buaina an siam loh tur thu ziakin an intiam thei a, chuvang chuan kawng hi hawn nise an ti a ni. He Meeting-ah hian YMA Sub. Hqrs. Lunglei aiawhin, Pu. P. Lalhmangaihzuala President-in hming a ziak a, AVOJAC aiawhin Pu. Zairemthanga Sailo, President-in hming a ziak a, Pu. K. Lalhmingliana Sub Divisional Magistrate Lungleiin hming a ziak bawk.

    AVOJAC te chuan hetiang hian intiamna an ziak bawk. “Keini, All Vehicles Organisation Joint Action Committee (AVOJAC) ho te chuan Pukpui to Haulawng kawng hi hawn a nih pawhin engmah buaina leh harsatna kan siam lo ang tih kan intiam e. Buaina a chhuah chungchang thuah mawh kan phur ngam e” tiin an intiam a, Pu. Zairemthanga Sailo, President AVOJAC chuan hming a ziak hnan a ni.