A&C Minister Lungleiah: Art & Culture Minister Zoramsangliana Lunglei chamchilh mektu chuan tukin dar 7:00 - 8:30 Am thleng Public Interview Circuit House ah a nei dawn a, chaw hma dar 10:30 ah JB College Fresher Social ah khuallian a ni ang. Chawhnu dar 1:00 Pm ah LDCC (Congress Bhawan) tlawhin van tlang inkhawm a puala buatsaihah thusawina a nei ang. Vawiin chawhnu hian Aizawl panin a hawng leh nghal dawn a ni.
PYD O.B pual Seminar : Lunglei Dist. huamchhunga Local PYD Office Bearer te pualin August ni 27, 2010, chawhma dar 11:00 hian I&PR Conference Hall Bazar vengah Seminar buatsaih a ni dawn a, he hun hi Vanlalnghaka, Chairman LDKC in a kaihruai ang. He hunah hian, Incheina, Zuk leh hmuam bakah Internet & Computer, Mobile leh Television chungchang paper present neih a ni dawn a ni.
Meeting dawn: BCM Evangelist Speaker Welfare member zawng zawngte Dt.7.9. 2010 (Thawhlehni) chhun dar 12:00 khia Makedonia Prayer Room Venglaiah Meeting neih tur a ni a, he hunah hian Speaker zawng zawngte chu kim taka kal vek turin, TC. Lalchhan dama, Secretary, Speaker Welfare Committee chuan a hriattir a ni.
Ramthar vengah Pa chin dan thar training niminah nei: Horticulture Deptt Lunglei hmalakna in nimin khan Horticulture Centre, Ramthar Veng ah Pa chin dan chi thar (Chinese Method) training neih a ni a, Lunglei, Lawngtlai leh Saiha atanga Chinese Method a Pa ching tura thlan ten training hi neiin, H.Manthianga DHO Lunglei in a kaihruai a, Lalhmingmawia Pachuau ADHO Lunglei, C.Laldinthanga H.D DHO Office Lawngtlai ten thusawina an nei a, Practical Demonstration neih nghal a ni bawk. Pa hi chawhmeh tui leh hrisel, chakna pai tam a ni a, Chinese Method a Pa chingte atang hian Pa leitheih tur pawh a awm thin ngei beisei a ni.
Medical Duty tura ruatte duty turin mualah an la kal lo: Inter Post Matric Football tournament MZP buatsaih Thuamluaia muala khelh mekah, MZP hian Medical Duty tur CMO-ah an dilna angin CMO chuan Medical Duty tur hian mi pahnih an lehkha, Memo. No. A. 21011/5/MPW/2009 CMO(L) in a tarlan angin a ruat a, heng mite hian Inter Post Matric Football tournament nihnih neih tawhah Medical duty turin vawikhatmah mualah an la kal lova, inkhelah tihsual palh avanga inhlim pawh an awm theih laia hetianga Medical Duty tur an kal ngai lo hi MZP Hqrs. Lunglei chuan mak an tih thu kan palai an hrilh a ni.
Rs 2000/- in tanpui: YMA Sub. Hqrs. Lunglei Ruihhlo dotu, SADS te an ruihhlo dona kawngah tanpuina an dawn belh zel a, Serkawn VC te chuan nimin khan SADS tanpui nan hian Rs 2000/- an pe a ni.
MNYF Sub. Hqrs. Lunglei-in MZP in Advertisement a hal a thlawp: MNYF Sub Hqrs. Lunglei chuan thuchhuah siamin, Dt.21.8.2010 Inrinni-a MZP Gen. Hqrs Aizawl-in hnam thinlung pu leh hnam thlavang hauh avanga Central sawrkar Ministry of Home Affairs Advertisement Indo-Tibetan Border Police Force hna lak tura India ram state leh UT zawng zawngte Quotta a pek vek laia Mizoram thlauhthlak kan nih avanga kha Advertisement an hal kha MNYF Sub. Hqrs. Lunglei chuan tha kan ti a, kan thlawp tlat a, Central fa tlum inti Congress unaute leh an Ministry hian hma la duh lova ngawih an chuh tlat a nih chuan Mizoram Congress sawrkarin in hnam himna leh inpumkhatna a vei lohzia tilangtuah kan ngai tlat a, Mizoramin quotta a neih ve ngeina tura a rang thei ang bera hma la nghal turin Mizoram Congress sawrkar hi kan phut tlat bawk a ni tiin an thuchhuah hian a tarlang a ni.
No comments:
Post a Comment