Thalai lawm zawng

Leonardo a leng tar law law maithei: Titanic star Leonardo DiCaprio chuan nupui a neih dawn leh dawn loh chungchanga a thusawi chuan a fans te a barakhaih a; nupui newi lova len tluan mai a tum nia ngaihna lian tak a awm. Leonardo hian a thian tha tak tak te atangin nupui neih hi a chak loh phah a ni awm a, 'An inneih hlim chuan an hlim em em a, hun a kal a, chu hlimna chu a chuai a, an inthen leh mai thin' a ti.           Israeli supermodel Bar Rafaeli nena in zui mek Leonardo hian, midangte nun atanga ngaihdan siam chu thil tha lo tak ni mahse, a nunah bu a khuar tlat niin a sawi.

Ashley Cole entawn tlak loh ber:     Mi lar nungchang mawi lo, British a naupangte tana entawn tlak loh Chewits Sweets in ngaihdan an lakkhawm-ah chuan footballer Ashley Cole chu entawn tlak loh berah an thlang a, 65% zetin an faten he pa hi entawn miah lo se an duh. Nupui nei si, nula chi hrang hrang a kawp lawr nasat vang a ni. Model Kate Price chu pahnihna a ni a, footballer Peter Crouch chu pathumna a ni.

Beckham an kum 45 a nih thlengin a khel dawn:     David Beckham kha Inhliam avangin World Cup-ah England tan a khel thei lo chungin England team te fuih phur turin South Africa-ah a kal a, mual sirah suit nen a lo vai phur thin. Kum 35 mi a ni tawh a, a hliam a dam fel tawh a, chuvangin kumin September thla atangin a club LA Galaxy tan a khel tan leh thei tawh dawn niin an coach Bruce Arena chuan a sawi a. Hei mai bakah hian Beckham chuan kum 10 chhung football a la khel dawn a, heng kum 10 lo awm turte hi LA Galaxy-ah hmangin a career pawh he club-ah hian a ti tawp dawn a ni, a ti leh zel. Beckham chuan kum 10 ball la pet turin chakna a nei tawka a ngaih thu a sawi a, a thusawi ang hi a nih chuan kum 45 a nih thlengin a khel dawn tihna a ni a, a mak awm mang e.
    LA Galaxy hian September 24 khian New York Red Bull a mikhual dawn a, Bull hian an lakluh thar Thierry Henry an khel tir ngei dawnin a lang bawk a, lehlamah Beckham a tel dawn bawk a, chuvangin ngaihven a hlawh phah hle.

An inhual lo em ni? American actor George Clooney leh Italian model  Elisabetta Canalis te inneih tuma inhual tawh angin thu a thang leh chiam a;  Tun tuma inhual anga a than leh vakna chhan pawh Canalis-i kutzungtang a zungbun niawm tak an hmuh vang a nia. Clooney thupuangtu chuan, an in hual lo; napkin ring mai mai alawm, a ti.