‘Ruihhlo tel lo infiamna’ Football tournament tan ta “Nun zirlaiah kan pass loh chuan awmzia a awm lo” - Joseph Lalhimpuia, MLA

Lunglei 24th, August : MZP Platinum Jubilee Lawmna chikhat MZP Hqrs. Lunglei chuan Inter Post Matric Football Tournament 2010, a buatsaih chu nimin atang khan khelh tan a ni ta a, inkhelh tan hma hian a hawnna hun inkhawm tawi buatsaih a ni a, he hun hi Pu. Lalbiakchhung Ralte President MZP Hqrs. Lunglei chuan kaihhruaiin Pu. Joseph Lalhimpuia Vice Chairman HPC chuan a hawng a ni.

    He Tournament ah hian 'Ruihlo Tello Infiamna' tih chu thupui ah hman a ni a, tournament hawngtu, khuallian Pu Joseph Lalhimpuia chuan, ruihhlo tel lo infiamna MZP ten an buatsaih chu lawmawm a tih thu sawiin zirlai inpawhna leh in tlangnelna tha zawk an neih phah a duh thu a sawi a, infiam mi ni tur chuan ngaihtuahna fim leh hriselna tha neih a ngai a, chu chu an zirlai an zirna atan pawh thil tangkai tak a ni tiin zirlaite hian Text book chauh hi zirlai a ni lo tih kan hriat a, text bu piah lamah zirlai tam tak kan nei a, Nun zirlaiah kan pass loh chuan awmzia a nei dawn lova, chuvang chuan mahni nun theuh uluk a pawimawh thu a sawi.

    A sawi zel naah Pu Mahima chuan Mizoram sawrkar chuan zirna a ngaih pawimawh avangin Education Reform Commission pawh a din tawh a, hetatang hian zirna siamthatna turin hma chak zawk a lak mek niin, Education Reform Commission Reports pawh Chief Minister hnenah pek tawh a ni a a, zirna lama hma kan sawn zel theihna tur kawng hrang hrangin zirchian mek a ni a ti.

    Infiamna lama hmasawnna a nih theih nan Lungleiah pawh Liandala Mini Sport Complex, Farm veng Lunglei siam tur pawh hmalak mek a niin, a bul tan nan MP in MP Fund atangin cheng Rs 6,00,000 a pek tawh thu sawiin hetah hian Indoor game hrang hrang dah tur niin cheng nuai 24 chuan zawh fel theih a beisei thu a sawi a, Thuamluaia mual tihchang tlun nan HPC atang in sum engemawzat dah fel tawh a ni tiin infiamna lama hmasawn theih nana buatsaih naupangte Hostel, LDSC Ground No. 2 a dah tur pawh Sport Authority of India in ruahmanna a siam fel tawh a ni a ti.

    Hei bakah hian Mizoram kan vanneihna chu leilung hausakna nasa tak kan lei hnuaiah oil thahnem tak a awm tih hriat a ni a, laichhuak tura sawrkarin kut a thlak hunah hetianga hna thawk thei tur mithiam kan mamawh dawn a, chutiang lama thiamna nei turin Geology zirna pawh hawn thar zel a niin, Lunglei Govt. College-ah pawh Geology Deptt. chu dah thar a nih thu a sawi a ni.

    Nimina Inter Post Matric Football Tournament 2010 hawnna ah hian Khualzahawm H. Lalremsiama, Gen.Secy. MZP Gen. Hqrs.pawh in thu a sawi baw. He tournament ah hian Institution 9 atang in team 9 an chhuak a, opening match Lunglei Govt. College leh Mizoram Polytechnic Lunglei ten an khel nghal a ni.