Lunglei 13th, January : Nimin khan MJA Lunglei ten Lunglei Press Club-ah General Meeting neiin he hun hi Pu. K. Lalrinpuia President MJA Lungleiin a kaihruai a, member kalkhawm an tha hle.
He hunah hian MJA kalphung hrang hrang bakah kum 2011 chhunga an hmalakna tur hrang hrang sawihona an nei a, hei bakah hian Press Club sak chhunzawm chungchang pawh sawiho niin, an pawisa neihsa hmangin Press Club hi sak chhunzawm thuai tha an tih thu an sawi a, hemi atan hian Press Club Committee pawh siam that thuai nise an ti bawk.
MJA Genrenal Meetingah hian Lungleia Officer lian indaih lo lutuk chu ngaihmawhawm an tih thu sawi ho a ni a, Officer thenkhatin post an chelhkawp teuh thinte chu tha an tih loh thu leh hei hian nasa takin an hna mai bakah mipuiin an tuar thin thu sawi ho a ni a, a bik takin Lunglei MCS indaih lo lutuk leh pakhatin hna an kawp thuai thinte chu tha an tih loh thu sawiin hetiang a nih laia MCS Officer awmsa Aizawl lama awm tura lachhuaka a aiawh dah a ni leh si lote chu tha an tih loh thu sawiin, sawrkarin enfiah thuai se an duhthu an sawi ho a ni.
Hei bakah hian Deptt. dang hrang hrangah pawh Officer lian ten hna an kawp ten tun thin leh Lungleia Doctor indaih lo lutukte chu ngaihmawhawm an tiin, heng harsatna hrang hrang awmte hi a tuartu chu mipuite an nih avangin sawrkar hian mipuite harsatna hi hrethiamin chingfel thuai se an duhthu MJA Lunglei te hian uar takin an sawi ho a ni.
No comments:
Post a Comment